ПОЙДОРӢ ВА ИСТИҚОМАТ (#14442)

Ҳувалабҳо! Эй Парвардигор! Ин бандаи дармондаро дар каҳфи манеъат маъво деҳ ва дар малози рафеъат маскан бахш. Шамъи равшане дар қалбаш барафрӯз ва чашмаи салсабиле аз дилаш ҷорӣ кун, абвоби файз бар рухаш баркушо ва асрори ғайб ба фуъодаш илҳом фармо. Туӣ Насир, Туӣ Заҳир, Туӣ Муҷир, Туӣ Дастгир. Чун ба Ту пардозем аз ҳама чиз озодем. Чун ба паймон ва имони Ту собит ва устуворем, аз ғайри Ту безорем. Парвардигоро раҳм кун, истиқомат бахш.

-`Abdu'l-Bahá
-----------------------

ПОЙДОРӢ ВА ИСТИҚОМАТ (#14443)

Ҳуваллоҳ! Эй Парвардигор! Ин бандаи заъифро бо дӯстонат дар остони убудиятат мақар ва маъво бахш, то ба шурути убудият қиём, ва ҷон ва дил ва тан дар камоли сурур нисор намоем. Туӣ Муътӣ ва Муаййид дар шуъун.

-`Abdu'l-Bahá
-----------------------

ПОЙДОРӢ ВА ИСТИҚОМАТ (#14444)

Ҳувалабҳо! Эй Парвардигор! Ин ҳушёрро ба бахшиши осмонӣ бузургвор кун ва аз мавҳибати раҳмонӣ бархурдор намо. Ҳаёти абадӣ бахш ва иззати сармадӣ ато фармо. Тоҷе аз мавҳибати кубро бар сар неҳ ва хилъате аз сундуси истабрақи ҷаннати Абҳо дар бар кун. То ба файзи номутаноҳӣ мустафиз гардад ва ба инояти махсуса мухассас шавад. Туӣ Муқтадир ва Тавоно.

-`Abdu'l-Bahá
-----------------------

